|
||||||
| مطبخ حواء - حلويات - اكلات رمضان - معجنات - اكلات ليبيه - شرقيه - اكلات - مقبلات خاص بالمطبخ وأطباقه , مشروبات , مقبلات , سلطات , مشروبات , معجنات , سندويتشات , الحلويات |
 |
|
|
أدوات الموضوع | طرق مشاهدة الموضوع |
18-03-2008, 03:32 PM
|
#1 (permalink) |
|
المشــرفة العـامــة
 تاريخ التسجيل: Oct 2007
الدولة: in life
المشاركات: 13,053
معدل تقييم المستوى: 39  |
احترفي صناعه الزبادى فى البيت
 احترفي صناعه الزبادى فى البيت  المكونات: كيلو لبن معلقه زبادى كبيره مش علبه كامله معلقه لبن بودره بجانب (3) اوانى وطبق. .gif) طريقه العمل: المراحل عمل الزبادى -البسترة - مرحله التسخين. - مرحله التبريد. -اضافه البادىء(زبادى) -التعبئه - التخمر -التبريد - اكل الزبادى البستره معناها التسخين ثم التبريد المفاجىء) وهى مش فى المصانع وبس لا ممكن تبقى فى البيت كمان وهقولكوا ازاى التسخين 1- هنجيب كيلو لبن ونضعه فى اناء 2- هنضع اناء اللبن فى اناء اخر (وهو ما يطلق عليه حمام مائى) هتقولولى ليه هقولكم لو تم تسخين اللبن فى اناء واحد زى ما كله بيعمل بيؤثر على اللبن من ناحيه الطعم (الطعم الشايط) ريحه شياط 3-وضع الحمام المائى الموجود بداخله انيه اللبن على النار مع التقليب الجيد والمستمروالتقليب هنا مفيد لكى تصل الحراره لكل اجزاء اللبن لقتل البكتريا الموجوده.ويتم التقليب حتى قرب الغليان ونستمر فى ذلك ربع ساعه تقريبا تمام انت كده خلصت مرحله تسخين اللبن. مرحله التبريد المفاجىء الغرض منها هى قتل البكتريا المقاومه للحراره اى التى لم تمت بالتسخين فتموت بالتبريد وطريقه التبريد المفاجىء كالتالى: بعد ما سخنا اللبن نحضر انيه اخرى بداخلها ماء بارد ويستحسن ماء بارد مع ثلج ونشيل انيه اللبن بعد التسخين مباشره من فوق النار ونضعه بداخل انيه الماء البارد والثلج. ونترك اللبن فتره بسيطه وفى الفتره البسيطه دى هنعل الاتى. مرحله اضافه البادىء اى اضافه (زبادى على اللبن) الكل بيروح حاطط علبه زبادى كامله على كيلو لبن ليه وده كتير اوى وغلط لان ده بياثر على طعم وقوام الزبادى الناتج المفروض علميا ان نسبه البادىء بتكون 2% من علبه الزبادى لكل كيلو لبن. المهم هنجيب علبه الزبادى وناخد منها معلقه واحده كبيره والمعلقه الواحده كفايه نروح بقى لطريقه اضافه معلقه الزبادى على اللبن طبعا احنا بنترك اللبن بيبرد فى انيه الماء البارد والثلج هنجيب طبق صغير ومعلقه وهناخد بالمعلقه شويه لبن من انيه اللبن اللى بيبرد ونضعها فى الطبق بعد كده نجيب معلقه الزبادى الكبيره اللى خدناها من علبه الزبادى ونحطها فى الطبق ونجيب اى حاجه ونخلط الزبادى باللبن الموجود داخل الطبق الصغير اى حاجه معلقه او حاجه خشب نظيفه جدا عشان نخلط الزبادى باللبن ولازم تخلط الزبادى باللبن خلط تام هتلاقى فى الاخر معلقه الزبادى مش موجوده مش شايفها وهتلاقى االلبن بقى قوامه كثيف. وبعد تمام الخلط تضع محتويات الطبق فى انيه اللبن الموجوده فى انيه الماء البارد والثلج بعد كده منقلبش لسه هنضيف اللبن البوردة ولبن البودره له ميزه رهيبه بيعمل على ثبات هلام الناتج ويعطى له قوام وطعم مميز هنضيف معلقه من لبن البودره على اللبن الموجود فى اناء الماء البارد والثلج وكده يبقى عندنا 3 حاجات موجودين داخل انيه اللبن: اللبن الذى تم تبرده كميه اللبن الذى تم خلطها بالبادىء لبن البودره هنخلطهم مع بعض باستخدام المعلقة مع التقليب لغايه لما تحدث عمليه الخلط التام بين الثلاثه اشياء وكده خلصت عمليه اضافه البادىء مرحله التعبئه نقوم بتعبه اللبن فى اكواب ونضع الاغطيه عليها ملحوطة : لا يتم ملىء الاكواب الى الاخر هنملى الاكواب الى الحد معين قبل الوصول الى حافة الكوب الفاضيه وده لكى لا تلزق الطبقه الناتجه بعد عمليه التخمير فى غطاء العلبه. وكده تم تعبئه الاكواب مرحله التخمر ودى بقى اهم واخطر مرحله من مراحل عمل الزبادى لان هى اللى هطلع شغلك حلو المشكله هنا فى مكان وضع الاكواب اى مكان التخمر هناك ثلاث طرق والهدف فى عمليه التخمر هو وضع اكواب الزبادى فى جو دافىء والى وقت معين حتى يتم تجبن اللبن الطريقه الاولى يتم تشغيل فرن البوتاجاز لمده عشر دقائق وهنطفى الفرن خلاص كده خلينا الفرن سخن . ونضع اكواب الزبادى فى صينيه ونحط الصينيه فى الفرن وفى الحاله دى الاكواب هتاخد من 8 الى 9 ساعات فى الفرن وعلى فكره الوقت بيختلف على حسب درجه الحراره. الطريقه الثانيه والطريقه دى هتستعمل فيها كهرباء.... في هذه الطريقه هنجيب كارتونه فاضيه وتوضع فيها اكواب الزبادى على حسب مساحه الكارتونه ويتم غلقها من جميع الاتجاهات بنعمل فتحه صغيره يا دوب الفتحه دى تدخل لمبه صغيره وبعد ما تدخل اللمبه طبعا اللمبه يتم توصلها بالتيار الكهربي هتشتغل جوه الكارتونه وبالتالى هتدى ضوء وحراره تساعد في تخمر الزبادي ونقوم بتركها من 9 الى 10 ساعات لو فتحت بعد كده الزبادى ولقيت الجزء اللى تحت تجبن واللى فوق سائل وموجود بكميه كبيره جدا نترك الزبادى لفترة اطول الطريقه الثالثه هى نفس الطريقه الثانيه بالظبط بس الفرق انه بدل ما بتستخدم كارتونه بتستخدم علبه مسحوق الغسيل الاوتوماتيك بتكون أكبر وكمان الغلاف بتاعها بيبقى احسن من الكارتونه مرحله التبريد بعد ما تخلص عمليه التخمير تشيل الاكواب وتحطها فى الثلاجه وبالهنا والشفا يارب تعجبكم الطريقة  دموع حائــــــــرة
__________________
..لا اله الا انت سبحانك أنى كنت من الظالمين.. |
|
|
|
| Bookmarks |
|
|
|
|
«
الموضوع السابق
|
الموضوع التالي
»
| أدوات الموضوع | |
| طرق مشاهدة الموضوع | |
العرض العادي
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الغثيان الصباحي | اعراض الحمل | كيفيه التخلص من الغثيان الصباحي | غثيان الحامل | الدمعه الساكبه | المراة الحامل والطفل - تربية الاطفال - الطفل والام - المراة الحامل | 0 | 04-11-2012 07:50 PM |
| الزبادي و مآ لا تعرفه عن الزبادي ! | !! abulo!! | طب وصحه ، مرض - علاج - دواء - السكري - الضغط -التهاب | 0 | 28-05-2011 01:40 AM |
| احترفي مكياج العيون الدخانيه بالصوررررر والخطوات | دموع الصمت | مكياج - ميك اب - عطور - تسريحات شعر - رجيم 2013 | 0 | 18-05-2011 03:20 PM |
| الزبادي و مآ لا تعرفه عن الزبادي ! | ماريتا | طب وصحه ، مرض - علاج - دواء - السكري - الضغط -التهاب | 0 | 13-05-2011 12:40 PM |
| احترفي مزج ألوان ظل العيون (الشادو) | دموع حائرة | مكياج - ميك اب - عطور - تسريحات شعر - رجيم 2013 | 4 | 20-05-2008 12:41 PM |
الساعة الآن: 10:13 AM
